12 de Outubro de 2008 PDF Imprimir Correo-e
Escrito por Administrator   
Luns, 06 Outubro 2008 13:13

Concentración por Diego Viña, diante da Igrexa Parroquial de Arteixo, á hora da misa central da mañán.

 

O día 22 de septembro de 2004 morreu Diego Viña Castro con 22 anos de idade de forma mais que dudosa nun calabozo da garda civil de arteixo.

 

  • ¿por qué desapareceu a primeira proba policial que axudaría a esclarecer as condicións nas que morreu?

  • ¿que fixo Diego ata morrer?

  • ¿que fixo a garda civil que o encerrou ata que chegou o 061?

  • ¿qué é o que nos queren ocultar as autoridades?

 

¡¡¡ QUEREMOS SABER COMO MORREU DIEGO !!!

12outubro2008

 

Xa pasaron máis de 4 anos desde que morreu Diego. Ante as denuncias presentadas a xuíza recoñece o posible delicto de DENUNCIA FALSA E DETENCIÓN ILEGAL e, que as instalacións da garda civil de Arteixo “non parecen las más idóneas para la custodia de detenidos”; “que se pueden advertir deficiencias en el sistema de vigilancia” e “a excesiva duración da detención como neglixencia”. Por elo, a Xuíza cita a declarar como IMPUTADOS dun posible delicto de DENUNCIA FALSA a 2 gardas civís. Un axente da garda civil presta declaración o 9 de outubro de 2007 e otro axente declarou o pasado 3 de septembro de 2008, e ningún foi capaz de explicar por qué non aparece a orde de detención contra Diego.

Nos queremos chegar máis lonxe e tamén denunciamos:

  • A perneira do pantalón que supostamente empregou Diego para quitarse a vida foi tirada o lixo por un axente.

  • Non se practicou ningunha proba de reconstrucción dos feitos (falta dun punto de apoio na celda, a altura de Diego...). Ademais deixan sen explicar a existencia de vómitos fora da celda.

  • A orde de detención non consta no atestado e non se consegue dar explicación de quen deu tal orde.

  • Os medicamentos, xustificados con receita médica, que necesariamente tiña que tomar fóronlle negados polos axentes.

  • Incumpriron a prescrición médica que establecía a necesidade de sere trasladado a un centro especializado.

  • As cámaras de seguridade dos calabozos estaban apagadas e os axentes permaneceron noutra estancia durante a detención (os calabozos están no soto).

  • Os axentes fixeron caso omiso as petición de auxilio de Diego.

Arredor das 5 da tarde produciuse un lapso de silencio e os axentes baixaron os calabozos e encontraron a Diego aforcado cos seus propios pantalóns, colgados na parte superior da porta da celda. Polo que consideramos que existe neglixencia por parte dos axentes, o que supón HOMICIDIO DOLOSO EN COMISIÓN POR OMISIÓN xa que nin previron o previsible, nin evitaron o evitable, aceptando por tanto o resultado. Incumprindo con isto tanto o mandato legal de vixilancia e respecto polos dereitos dos cidadáns, violando o seu código ético de deber de socorro, mancillando o xuramento militar da defensa da vida e creando mingua de autodefensa do individuo. Tal situación fai os axentes encargados da custodia de Diego RESPONSABLES.

Actualmente, e despois de 3 anos, a causa está no TRIBUNAL CONSTITUCIONAL onde figuran como denunciados: Carlos Viña (pai de Diego) como presunto autor dun delicto de denuncia falsa, xa que a presenta sen ningún dato que a xustifique e en profundo estado de embriaguez; o comandante do posto da garda civil de Arteixo (G00402P) e os axentes W97788Z, 34896949, Q47830E e T68012Z polo presunto delicto de detención ilegal; o comandante e os axentes W97788Z, 34896949 e G98967J polo presunto delicto de homicidio doloso en comisión por omisión; e finalmente o axente P06799U como presunto autor de un delicto de encubrimento.

MAIS INFO: www.denuncia.info

MAIL: Este enderezo de correo-e está a ser protexido de robots spamers, precisas activar o JavaScript para velo

 

LAST_UPDATED2